next »

[Pilot]

Naririnig ko lang po ito.... Ano ba ibig sabihin ng Impetigo? Sakit sa balat ito diba?

[PinoyNurse]

Ang impetigo ay impeksyong dala ng bakterya.

Makikilala kapag nakita ang matubig-tubig at irregular na paltos (vesicles) na mabilis na kumakalat at nagkakaroon ng manilaw-nilaw na langib paggaling.  Madaling naaapektohan ang balat sa paligid ng bibig, mukha at leeg.

Maaari itong gamutin sa pmamagitan ng paghuhugas ng halamang gamot tulad ng dahon ng bayabas o sabon at tubig, dalawa hanggang tatlong beses araw-araw. Alisin nang dahan-dahan ang langib pagkatapos mababad sa tubig.

Lagyan ng dinikdik na halamang gamot tulad ng dahon ng bayabas o gamot na pampahid tulad ng gentian violet  pagkatapos linisin.

Kung masyadong marami ang sugat, painumin ng antibiotiko (penicillin triple sulfa). Huwag ibudbod ang tableta o kapsulang antibiotiko sa balat. Maaari itong maka-allergy.